Парти «Иугонд Уæрæсе» -йы регионалон хайады уæнгтæ радон хатт сбæрæг кодтой партион программæмæ гæсгæ ноггонд, уыимæ эксплуатацийы лæвæрд цы объекттæ æрцыд, уыдон. Разыйæ нæ баззадысты Суададжы Культурæйы хæдзарæй.
Актон залы сценæ къæхты бын тасы, змӕлы, ног стъæлттыл та банцой кæнын дæр тæссаг у. Суададжы культурæйы хæдзары рацарæзт кæронмæ фесты. Объект эксплуатацийы радтой, фæлæ дзы разынд аиппытæ.
«Иугонд Уæрæсе» -йы минæвæрттæ æркастысты райхалинаг фарстатæм æмæ зæрдæ бавæрдтой, афæдзы кæронмæ æппæт хъæндзинæдтæ аиуварс кæнынæй. Црауы культурæйы хæдзарыл та цæуы 50 азы чысыл цухæй. Цалцæг кæнын æй райдыдтой мартъийы. Ныридæгæн баивтой коммуникацитæ, рудзгуытæ, дуæрттæ, балхæдтой ног кусæнгарз. Парти «Иугонд Уæрæсе»-йы проект «Культура малой родины» -мæ Алагиры бахастой цалдæр бæстыхайы. Горæты музей та рамбылдта грант 2 млн сомы Президенты хъæппæристы программæмæ гæсгæ. Æхцайы фæрæзтæй райстой ног витринæтæ æмæ интерактивон стъæлттæ.
«Горæты фæлгонцы» программæмæ гæсгæ ма саив кодтой хæсты хъæбатырты номыл мемориал «Танк»-ы фæзуат. Ам Фæзындзæн ног къæйдуртæ, сæвæрдзысты дзы бандæттæ æмæ рухсгæнæн цæджындзтæ. Посты хайæдты модернизацийы проектмæ гæсгæ, Суададжы посты хайад сси æнцонвадат ӕмӕ рæстæджы домæнтæн дзуапп дæтты. Æппæт объекттæ афæдзы кæронмæ хъуамæ сæ дуæрттæ бакæной. Сæйрагдæр у, цæмæй куыстыты хæрзхъæддзинад зæрдæхсаинаг ма уа.
