Цæгат Ирыстоны 50 мин адæймагæй фылдæр ныффыстой егъау этнографион диктант. Бацархайдтой дзы Уæрæсейы 89 регионы æмæ 184 бæстæйы. Æдæппæтæй 4 млн адæймагæй фылдæр. Нæ республикæйы офлайн хуызы мадзал ацыд национ музейы. Æрæмбырд дзы сты министрадты, ведомствоты, уыимæ националон-культурон æхсæнадты æмæ культурæйы къабазы минæвæрттæ.
Егъау этнографион диктанты аразæг у Адæмыхæттыты хъуыддæгты фæдыл федералон агентад. Цæгат Ирыстоны акци ацыд Ахуырад æмæ наукæйы министрад, стæй Националон политикæ æмæ æддагон бастдзинæдты министрады æххуысæй.
