Тыхджын митуарды тыххæй Хуссар Ирыстоны леопард Эльбрусы агурæн мадзæлттæ рæстæгмæ баурæдтой. Хæхты фæхстæ чи сгары, уыцы къордæн нæма бантыст сырды хъуырбос ссарын. Сигнал та дзы цæуы.
Уæ зæрдыл уын æрлæууын кæндзыстæм, леопард Эльбрус фесæфт декабры, Хуссар Ирыстоны хæхты. Хъуырбосы бæрæггæнæнтæм гæсгæ, къуыри йæ бынатæй не змæлыд. Цы йыл æрцыд, уый бæрæг нæу. Спутниччы бæрæггæнæнтæм гæсгæ, леопард кæнæ æххормагæй амард, кæнæ йæ хъуырбос йæхæдæг ратыдта.
Азиаг леопардтæ Эльбрус æмæ Волна Цæгат Ирыстоны национ парк «Алани»-йы ауагътой ивгъуыд аз, июлы.
