Кæстæр сержант Зыгъуытаты Черменæн Ольгинскæйы байгом кодтой номарæн фæйнæг. Украинæйы сæрмагонд æфсæддон операцийы йæ фыццаг бонтæй райдыдта архайын. Фыдыбæстæйы аккаг хъæбул, фæзминаг æфсымæр, хорз æмбал æмæ дæсны æфсæддон. Алы хæс дæр æххæст кодта нæ бæстæйы рухс фидæны сæраппонд.
Сæрмагонд æфсæддон операцийы Чермен йæхи равдыста ныфсхаст æмæ райгуырæн бæстӕйыл иузæрдион адæймагæй. Хъæбатырæй фæмард 2022 азы 25 июны Харьковы облæсты. Зыгъуытаты Чермен хорзæхгонд у «Сæрмагонд уавæрты иттæг хорз службæйы» нысанæй æмæ «Сæрмагонд æфсæддон операцийы архайæджы» майданæй. Номарæн фæйнæг æвæрд æрцыд йæ хæдзары къулыл. Уымæй уæлдай, Чермены ном хæсдзæн йæ райгуырæн скъолайы кълæстæй иу.
