Кинематографистты хæдзары ацыд кино «Жить и побеждать»-ы премьерæ. У дыууæ паратхэквондистты цардвæндаджы тыххæй. Сæ иу – Сакинат Магомедова – дунейы дыууæ хатты чемпионкæ паратхеквондойæ, Дагестаны спорты министр, стæй æхсæнадон палатæйы уæнг. Иннæ та, не ‘мзæххон спортсмен – Гæззаты Спартак. Европæйы 6 хатты æмæ дунейы 5 хатты чемпион.
Кинойы райдианмӕ уал мадзалмæ чи æрбацыд, уыдон æрымысыдысты минут æдзæмæй алæугæйæ кинойы авторты – йæ режиссер Гулуты Вячеславы æмæ йæ оператор Михаил Немысскийы. Киноныв у Гулуты Вячеславы куысты дыккаг хай. 2006-æм азы райста спортивон кинонывты æппæтадæмон кинофестивалы гран-при.
