Курдиæттæ исын райдыдтой профессионалон премийы архайынмæ

Курдиæттæ исын райдыдтой профессионалон преми “МегаДоктор”-ы бацархайынмæ, медицинæйы райрæзтмæ стыр æвæрæн чи бахаста, уыдонæй. Ис дзы 3 номинацийы: “Впервые проведенная операция”, “Внедрение новых методов диагностики и лечения” æмæ “Научная публикация”. Уæлахиздзауты сбæрæг кæндзæн экспертон жюри. Æрвылазон конкурс арæзт æрцæуы Æнæниздзинадхъахъхъæнынады министрад, Цæгат Ирыстоны паддзахадон медицинон академи æмæ компаниты къорд “МЕГА”-йы хъæппæрисæй. Мадзалы сæйраг хæс у – æрыгон æмæ курдиатджын дохтырты медицинон архайдмæ разæнгард кæнын æмæ Цæгат Ирыстоны медицинæйы райрæзт.