Дзæуджыхъæуы энергетикæйы системæйæн уæвæн нæй æнæ диспетчерон службæйæ. Ардæм æрвылбон хъусын кæнынц технологон къуылымпыдзинæдты тыххæй, адæм æрбадзурынц сæ фарстатимæ, куыст цæуы æнæрлæугæйæ.
Абоны цырен царды æнæнмæнг хъæугæ къабазы куыстмæ цæст дары цæрæнуæтты-коммуналон хæдзарады министры фыццаг хæдивæг Бокоты Виталий. Залы сабыр, фæлæ уыцы сабырдзинады бындурыл æппынæдзухы цæттæдзинад: æрвылсуткæ республикæйы энергетикæйы системæйы куыстмæ кæсынц 10 диспетчерон центры. 136 специалисты фæллой кæнынц радгай, 17 бригады та – аиуварс кæндзысты цыфæнды зын фарста дæр.
Æддаг сабырдзинады фæстæ – æнæрлæугæ нымæцон архайд: сервертæ ахсынц алы къуылымпыдзинад дæр, сахары картæйыл фæзынынц дызæрдыггаг бынæттæ. Азæлы радон сигнал: хъаст кæнынц электрон тых кæй нæй, уый фæдыл.
Диспетчер бæлвырд кæны адрис, æвæры нысан, æмæ уайтагъд уавæры тыххæй информаци бахæццæ вæййы æнæнхъæлæджы уавæрты æххуысы бригадмæ. Кæд æмæ авари егъау нæу, уæд къорд кусы йæхæдæг – тагъд, сыгъдæг æмæ бæстон. Фæлæ кæд фарста лыстæг архайд домы, уæд диспетчер æрвиты сигнал уæлдæр, цалдæр минутмæ бынатмæ сæмбæлы æххуыс – сæрмагонд техникæ, специалистты къорд.
Сергей Меняйлойы уынаффæмæ гæсгæ Цæгат Ирыстоны коммуналон авариты фæдыл организацитæ уайтагъд дзуапп раттынц, бынатмæ сæмбæлынц, фарстатæ аиуварс кæнынц. Оперативон штаб, цæрæнуæтты коммуналон хæдзарады министрад, ресурсон организацитæ æмæ муниципалитеттæ æрбангом вæййынц раст æмæ уайтагъд архайды фæдыл.
