Электромагнитон терапи пациенттæн кæнынц ног аппаратыл. Цӕуынц, сантиметры уылӕнтӕ кӕй хонынц, уыдон, низыл хорз ахадынц. Адæймагæн фенцондæр вæййы цалдæр минуты фæстæ. Ацы ифтонггарзыл та, уый дӕр ног, кӕнынц магнитотерапи. Хадзиты Мӕдинӕйӕн ацы процедурæ æстæм у. Пациент дзӕбӕх кӕны зӕвӕты стæджы къуызыр. Хи хуыздӕр банкъарынӕн фаг у 15 минуты. Дохтыр уыцы рӕстӕг ис йæ цуры, йӕ цӕст дары уавӕрмӕ.
Ног ифтонггарз Мӕздӕджы районы рынчындоны поликлиникӕйы реабилитацийы хайады фӕзынд сӕрды. Ӕнхъӕлмӕ йӕм кастысты 3 мӕйы бӕрц. Криотерапийы аппарат поликлиникӕйы ӕппындӕр никуы уыд. Уазалӕй дзӕбӕх кӕныны мадзал – ахадгӕ, рынчынты ма йыл хъæуы, æрмæст фæцахуыр уæвын.
Психосоматикон уавӕр фæхуыздæр кӕнӕн ис инновацион аудиовизуалон комплекс “Прак”-ы фӕрцы. Процедурӕ у зӕрдӕмӕдзӕугӕ ӕмӕ ӕнцойгӕнӕн.
Аппараттæ ДДТ-терапийӕн, фонофорез ӕмӕ электрофорезӕн. Техникӕ самал кодтой национ проект “Дӕргъвӕтин ӕмӕ активон цард”-ы фӕрцы. Уыимæ ма ногдзинӕдтӕ фæзындысты ЛФК-йы кабинетыл. Дзӕбӕхгӕнӕн физкультурӕйы агъуысты тренажер та у бирӕвæрсыг. Йæ фӕрцы бакусӕн ис къухты лыстӕг моторикӕйыл, уæрджыты æрхæджытыл.
Бинауральные ритмы кæй хонынц, уыдоны фæрцы ахады пациенты сæры магъзыл. Дыууæ къорийы æмхуызон кусын кæны. Нырыккон ифтонгарз — æххуыс у сæры травмæты фæстæ реабилитацийы рæстæг. Хуымæтæг стересс, тыхстдзинад дæр къаддæр кæны.
Бонмæ реабилитацийы хайад исы 300 рынчыны онг. Дохтырты ныхæстæм гæсгæ, магнитотерапийы, фоно ӕмӕ электрофорезы процедурӕтӕ парахатдæр сты.
Ног фадӕттӕ алыхуызон низтӕ дзӕбӕх кӕнынӕн. Нырыккон аппаратты фӕрцы пациенттæн нӕ фӕриссынц ӕмӕ сӕ бон у се ‘ нӕниздзинад фӕхуыздӕр кӕнын, ӕндӕр цӕрӕн бынӕттӕм нӕ ацӕугӕйӕ.
