20-æм октябры райсомӕй 18-ӕм ӕмӕ 32-ӕм маршрутты фӕзындысты хъусынгӕнинӕгтӕ: 1-æм ноябрӕй фӕндаггаг фӕзынаргъдӕр уыдзӕн 30 сомӕй 50 соммӕ, зæгъгæ. Информаци уайтагъд апарахат социалон хызты. Бӕлццӕттæ ацы хъуыддагыл сæмбæлдысты цæхгæр. Ацы къабазы лæггадгæнджытæ кусынц ӕнӕбæлвырд тарифмӕ гӕсгӕ, уӕдӕ закъонмӕ гӕсгӕ бар ис аргъ хибарӕй ӕвӕрын. Уыимӕ 2026 азы июнӕй 7, 24, 30 ӕмӕ 50-ӕм маршруттӕ ивд ӕрцыдысты фӕткыл ӕвӕрд тарифмӕ — уым шофыртӕн сӕ бон нӕу сӕ аргъ ивын ӕнӕ дзуапдæттæг комитеты уынаффӕйӕ.
Горӕты цӕрджытӕ тӕрсынц, хицæн транспортон лæггадгæнджыты иннæтæ дæр куы бафæзмой, уымӕй, фӕлӕ æндæр сӕрмагонд транспортмӕ ивддзинад хауы ӕви нӕ, уый бӕрӕг нӕма у. Уӕ зӕрдыл уын ӕрлӕууын кӕндзыстæм, августӕй фӕстӕмӕ Дзӕуджыхъӕуы ӕхсӕнадон транспорты фæндаггаг у 8 сомы, “Мир”-картӕйӕ фидгӕйӕ, фӕлӕ уый хауы муниципалон транспортмӕ ӕмӕ хицæн ласджытӕм фӕндаггаджы аргъы рӕзт нӕ баххӕст кӕндзӕн.
