Мадæлты капитал, 1-æм февралæй фæстæмæ æрцæудзæн индексацигонд. Афтæ фыццаг сывæллонæн фиддзысты 630 мин сомы, дыккагæн та 833 мин сомы. Ныййарджытæй фыццаг сывæллонæн капитал чи райста, уыдонæн дыккаг сывæллонæн æмбæлы фиддон 202 мин сомы.
Президенты амынддзинадмæ гæсгæ, 2022-æм азæй мадæлты капитал æрвылаз индексацигонд цæуы инфляцимæ гæсгæ. Бæрæггæнæнтæ хынцгæйæ, фыццаг сывæллонæн фиддон фæфылдæр уыздæн 43 мин сомы бæрц, дыккагæн – 57 мин сомы онг. Уый тыххæй хъусын кæны бæстæйы фæллойы министр Антон Котяков. Йæ ныхæстæм гæсгæ, ныййарджытæн сæ фылдæр фæрæзтæ схардз кæнынц сæ цæрыны уавæртæ фæхуыздæр кæныныл. Ахæм гæнæнæй спайда кодтой 677 мин бинонтæй фылдæр. Мадæлты капиталæй æрвылмæй сывæллонæн фиддонтæ чи исы, уыцы бинонтæ та сты 415 мины. Уымæй уæлдай ма æхцайы фæрæзтæ хардз кæнынц сывæллоны ахуырадыл. Ивгъуыд азы ацы хъуыддагæн фæрæзтæ радих кодтой 376 мин ныййарæгæн.
