Мæздæджы æвзонг фæсивæд зонгæ кæнынц фидæны ахуыры бынатимæ. Центр “Амонд”-ы ис дыууын иу хъомылгæнинаджы. Уыдонæй æхсæз сты рауагъдонтæ. Се ‘хсæн сидзæртæ æмæ æнæ ныййарджыты æххуысæй чи хъомыл кæны, ахæмтæ. Фидæны абитуриенттæ лыстæг æркастысты фæндзæм профессионалон училищæйы гæнæнтæм, уыимæ ма архайдтой астæуккаг профессионалон ахуыргæнæндæтты ‘хсæн чемпионаты шашкæтæй.
Ацы фæсивæды ахырмæ фæццæгтимæ исдзысты. Квотæмæ гæсгæ. Æрыгон адæмæн радзырдтой ацы училищæ цæй тыххæй равзарæн ис, уый. Йæ фарсмæ ис æмдзæрæн. Æппæт уавæртæ дзы сарæзтой волейбол, баскетбол, штангæ, самбо, уæгъдибар хъæбысхæст æмæ дзюдойы архайынæн. Фæстаг хуыз хъомылгæнинæгты зæрдæмæ уæлдай тынгдæр цæуы.
Хи тыхтæ Дзæуджыхъæуы бафæлварын. Цæстуарзон ныхæстæ центры директорæй фехъусын. Наталья НасонОвская сывæллæттæн зæрдиагæй амоны хуыздæр ахуырад райсæн кæм ис, уыцы бынæттæ. Кæстæртæн фæдзæхсы, цæмæй сæ зонындзинæдтæй æххæстæй спайда кæной.
Центр “Амонд”-ы сывæллæтты дарддæр дæр зонгæ кæндзысты астæуккаг профессионалон ахуыргæнæндæттимæ. Иумæйаг паддзахадон фæлварæнмæ ма баззад мæйæ къаддæр. 21-æм майы фарæстæмкъласонтæ ратдзысты фыццаг фæлварæн фæсарæйнаг æвзагæй. Рауагъдонтæн ма рæстæг ис сæхи бацæттæ кæнынмæ æмæ сæхицæн ахуыргæнæдон равзарынмæ.
