Хицауады сæрдар Михаил Мишустин бабар кодта регионалон рынчындæттæн баххуыс кæнын. Ныхас цæуы, коронавирусы пациентты кæм дзæбæх кæнынц, уыцы уагдæттыл. Медицинон фæдзæхстады федералон центр регионтæн баххуыс кæндзæн кусæнгæрзтæ æмæ æндæр хъæугæ æрмæджытæй.
Премьер бахæс кодта уыцы мадзæлттæн рахай кæнын 10 млрд сомы. Уынаффæ рахастой Координацион советы æмбырды. Фæрæзтæ рауæлдай кæндзæн фæстауæрцгæнæн фонд. Советы уæнгтæ ма дзырдтой низ иртасынæн тестыты нымæц фылдæр кæныны фарстайыл.
