Микрорайон “Ног горæт”-ы цы скъола сарæзтой, уый байгоммæ цæттæ у

Микрорайон “Ног горæт”-ы цы скъола сарæзтой, уый байгоммæ цæттæ у. Ныридæгæн ахуыргæнæндонмæ балæвæрдтой 500 курдиатæй фылдæр. Уый тыххæй фехъусын кодтой аппаратон æмбырды рæстæг. Амыдта йæ сæргълæууæг Сергей Меняйло. Августы скъола райсдзæн ног чингуытæ. Профилон министр Алыбегты Эллæйы ныхасмæ гæсгæ, æрмæг сног кæндзысты 4-æм, 7-æм, 8-æм кълæсты ахуырдзаутæн. Уымæй уæлдай, регионы разамонæг бабар кодта, цæмæй Ирон æвзаджы рæзты центры филиалтæ байгом кæной районты. Æрдзырдтой æндæр фарстатыл дæр. Хъармгæнæн афонмæ республикæ цæттæ у 71% бæрц. Дзæуджыхъæуы дарддæр цалцæг кæнынц уарыны доны канализацитæ. Калойы фырты æмæ Таутийы фырты номыл уынгтыл ныридæгæн сыгъдæггонд сты. Донхорыггæнинаг фæзуæттæ кæмæн ис, уыдонæн Доны куыстуаты специалисттæ 400 донбарæнæй фылдæр сæвæрдтой. Се ‘хсæн бирæсывæллонджын æмæ æххуысцух бинонтæ, сæрмагонд æфсæддон операцийы архайджыты бинонтæ.