Ног ахуырад лæвар райсынæн федералон бюджеты сæвæрдтой 6 млрд сомы. «Содействие занятости» проектмæ гæсгæ райсæн ис уæлæмхасæн профессионалон дæсныйад æппæты парахатдæр здæхтыты. Фарон ацы гæнæнæй спайда кодтой 150 мин адæймаджы.
Президенты уынаффæмæ гæсгæ, ныр сæ бон курдиат бадæттын у куыстдæттыны комитетмæ куыстагур чи бацыд, уыдонæн дæр. Уыимæ ма инвалид адæм, кæнæ ,сывæллонмæ кæсыны тыххæй отпуск кæмæн ис, 3 азы онг кæуыл цæуы, ахæм сабиты ныййарджытæ кæнæ хъомылгæнджытæн. Лæвар ног ахуырад райсыны бар ма ис, 50 азæй фылдæр кæуыл цæуы, æмæ куысгæ чи нæ кæны, уыдонæн, æнахъом сывæллæтты æгуыст ныййарджытæн, 35 азы онг кæуыл цæуы, ахæм адæмы хицæн къордтæн, кæнæ йæ куыст фесафынæй тæссаг кæмæн у, уыдонæн.
Проекты архайынмæ курдиат бадæттæн ис «Работа России» порталы. Алы регионæн дæр дзы ис дæсныйæдты номхыгъд.
