Ног куыстуат

Цæгат Ирыстоны уадзын райдайдзысты нырыккон рухсдæттæг системæтæ. Уый рабæрæг республикæйы хицауад æмæ Волжскы рухсдæттæг техникон завод «Луч»-ы минæвæртты фембæлды рæстæг. Инвестортæ фæнд кæнынц рухсдæттæн продукци аразыны куыстуат нæ республикæйы байгом кæнын. Проект хуыйны «Заря Осетии». Тагъд рæстæджы кусын райдайдзæн завод «Бином»-ы бæстыхайы. Рухсдæттæг прибортæй уæлдай ма куыстуат уаддзæн электрон техникæ дæр. Инвесторты ныхæстæм гæсгæ, гæххæттытæ сты цæттæ, хъæуы ма æрмæст специалистты бацæттæ кæнын. Республикæйы сæргълæууæг куыд фæбæрæг кодта, афтæмæй хицауады сæйраг хæс у инвестортæн æмбæлгæ уавæртæ саразын. Битарты Вячеслав ма бузныджы ныхæстæ загъта амалхъом адæймæгтæн, Цæгат Ирыстонмæ сæ цæст кæй дарынц, уый фæдыл. Тольяттийæ уазæг амалхъом адæймæгтæ ма кусынц æндæр проектыл дæр. Баст у донхорыггæнæн машинæтæ «Кубань» æмæ «Фрегат» аразынимæ. Проекты руаджы байгом уыдзæн нырыккон куыстуат, адæмæн дзы сараздзысты уавæртæ.