Нузалы рынчындон кусын райдыдта 20-æм æнусы райдиан. Лæггад кодта Уæлладжыры комы цæрджытæн. Бызы хъæуæй Рукъмæты. Æдæппæтæй 4 мин адæймагæн. 3 азы размæ рынчындон сæхгæдтой. Ныртæккæ Уæладжыры комы цæрджытæ дохтыр агур цæуынц Мызуры рынчындонмæ. Уырдæм раивдтой Нузалы дзæбæхгæнæндоны медицинон кусджыты дæр. Рынчындоны ис бынат 20 адæймагæн. Уыдонæй 10 сты терапевтон хады 10 та хирургон. Уымæй уæлдай ма дзы ис 2 тагъд æххуысы къаретты. Республикæйы æнæниздзинад хъахъхъæныны министрады нын куыд бамбарын кодтой афтæмæй рынчындон сæхгæдтой уымæн æмæ йæ хъуыд бындуронæй цалцæг кæнын.
Сабеты Людмилæ, медицинон информацион центры разамонæджы хæдивæг: «Рынчндоны Хицæн уаттæ сцалцæг кодтам. Фæлæ хъуыддагыл уый никæцы рдыгæй фæзынд. 30-æм азтæй нырмæ дзы арæзтадон куыстытæ нæ цыд».
