“Осетия-Ирыстон ” – бæстæйы хуыздæр регионалон каналтæй иу

“Осетия-Ирыстон “— Уӕрӕсейы æртæ раззагдӕр регионалон телеканалы ‘хсæн. Рейтинг фехъусын кодтой абон форум “Æгас Уæрæсе — дыууæ мин дыууын æхсæз”-ы Сочийы. Эксперттæ равзæрстой сæдæ цыппор телекомпанийæ фылдæры куыст. Нæ каналимæ иумæ хуыздæрты хыгъдмæ бацыдысты Ростовы “Дон дыууын цыппар” æмæ Челябинскы “ОТВ”. Жюри фæбæрæг кодта “Осетия-Ирыстон”-ы командæйы дæсныдзинад æмæ программæты бæрзонд хæрзхъæддзинад. Æнтыст бæлвырд кæны, канал Цæгат Кавказы ног хабæртты сæйраг гуырæн кæй у. Форумы — мин журналист æмæ экспертæй фылдæр Уæрæсейы регионтæй, стæй Китай, Корейæ, Беларусь æмæ Абхазæй. Проект æххæстгонд цæуы Президенты грантты фæрæзтæй. Уым рæгъмæ рахастой ног аналитикон сервис дзыллон информацион фæрæзтæн — æвдисы, телеканалтæ дыууæ мин дыууын æртыккæгæм азæй дыууæ мин дыууын æхсæзæм азмæ куыд рæзыдысты, уый.