Къаболаты Ахтемыр нысангонд ӕрцыд Цӕгат Ирыстоны Паддзахадон ӕлхӕдтыты управленийы разамонӕджы хӕдивӕгӕй. Ахӕм кадрон уынаффӕ рахастой республикӕйы хицауады ӕмбырды. Амыдта йæ премьер Дзанайты Барис. Уымæй уæлдай, хатдзӕгтӕ скодтой конкурс “Хуыздӕр муниципалон практикӕ”-йы регионалон къӕпхӕнӕн. Нациты ‘хсӕн хæлардзинад фидар кӕныны номинацийы фӕуӕлахиз Черменыхъӕу. Уый ныр регионы номæй архайдзæн федералон æркасты. Министртӕ ма æрдзырдтой “Нырыккон горӕтаг тыгъдад аразыны” программæ ӕмӕ фӕндӕгты проекттыл.
Ныхас ма цыд Хохы Санибайæ Хъӕрмӕдонмæ фæндаг, стæй Ӕрхонкӕйы иувӕрсты фæндаджы арæзтадыл. Станицæйы ныридæгæн куыстытæ сты кæронбæттæны къæпхæныл.
