Республикæйы хæстæгдæр 3 боны уыдзæн ивгæ асæстад

Цæгат Ирыстоны хæстæгдæр æртæ боны кæцыдæр районты æрцæудзæн тæрккъæвдатæ арвнæрд, ихуард æмæ тыхджын дымгæимæ. Уый тыххæй фехъусын кодтой республикон гидрометцентрӕй. Дымгæйы тых хæццæ кæндзæн 20 – 25 метрмæ секундмæ. Цæугæдæтты доны æмвæзад, гæнæн ис, æмæ фæбæрзонддæр уыдзæн. Ранæй-рæтты – тæссаг бæрæггæнæнтæм. Хæхты, гæнæн ис, æмæ рацæуой чысыл зæйтæ. Синоптикты хъусынгæнинагмæ гæсгæ, уæлдæфы температурæ æхсæвыгон уыдзæн 10-15 градусы хъарм, бонæй та – 24 градусы онг хъарм.