«Россети Цæгат Кавказ» ифтонг кæндзæн электрон энергийæ 38 ног фелшырон-акушерон пункты Цæгат Ирыстоны. Куыстытæ æххæст кæнгæйæ хъуамæ сцалцæг кæной зæронд электрон тыхдæттæг линитæ.
Ахæм линитæ кæм нæй, уым та хайады специалисттæ ногтæ сараздзысты. Уыимæ ма, сæвæрдзысты ног трансформаторон подстанцæтæ. 14 курдиаты компанимæ æрбацыд Мæздæджы районæй. Черноярская станицæйы фелшырон-акушерон пункты арæзтадон куыстытæ кæронмæ æрхæццæ уыдзысты августы. Бынæттон цæрджытæ йæм тынг æнхъæлмæ кæсынц.
Медицинон пункт ма аразынц сыхаг станицæ Ново-Осетинскаяйы. 2 минæй фылдæр адæмæн фадат уыдзæн хъæугæ медицинон æххуыс æмбæлгæ уавæрты райсын. Суанг дæрддзæф хъæуты дæр. Республикæйы фелшырон-акушерон пункттæ электрон хызтæм кæй бафтаудзысты, уый руаджы хъæуты цæрджыты цард дæр фæрогдæр уыдзæн, медицинон æххуыс та- хæрзхъæддæр. Афтæмæй Россети Цæгат Кавказ стыр æвæрæн хæссы регионалон национ проектты рæзтмæ. Фæстаг дыууæ азмæ компанимæ бахастой 42 курдиаты. 4 фелшырон-акушерон пункттæм электрон хызтæ бауагътой.