Цæгат Ирыстоны расидтысты медицинон кусджытæн цыртдзæвæн сæвæрыны хуыздæр проекты æркаст. Аразы йæ нæ республикæйы архитектурæ æмæ горæтарæзтады комитет.
Ныхас цæуы, коронавирусы ныхмæ цы дохтыртæ тох кодтой, уыдоныл. Сидынц скульптортæм, архитектортæм, нывгæнджытæм, дизайнертæм. Курдиат ныууадзæн ис 8 июлæй 8 сентябры онг. Уæлахиздзауы схорзæхджын кæндзæн æхцайы фæрæзтæй хæрзаудæн фонд «Иристон». Саккаг ын кæндзысты 50 мин сомы. Дыккаг æмæ æртыккаг бынат чи ’рцахса, уыдон та райсдзысты 30 æмæ 15 мин сомы. Курдиат ныууадзын ис сæрмагонд адрисмæ гæсгæ Ватутинæйы номыл уынджы 17-æм хæдзары.
