Ростовы облæсты хъæууон хæдзарады продукци комкоммæ æрвитдзысты Цæгат Ирыстонмæ. Ныхас цæуы зети, мыггæгтæ æмæ кърупатыл. Ацы товартæ республикæйы хойраджы дуканиты уæй кæндзысты, заводы сын цы аргъ снысан кæндзысты, афтæмæй. Æмгуыстады тыххæй баныхас кодта регионы экономикæйы райрæзты министр Кучиты Зауыр йæ кусæг балцы рæстæг.
Ведомствойы разамонæг фембæлд Ростовы облæсты хъæууон хæдзарад æмæ хойраджы министримæ. Бабæрæг кодта профилон куыстуæттæ. Уæ зæрдыл уын æрлæууын кæндзыстæм, Ростовы облæстæй республикæмæ хойраг комкоммæ ласын дзуапдæттæг министрадæн бабар кодта регионы сæргълæууæг Сергей Меняйло. Сæйрагдæр у хойрæгты аргътæ уромын.
