Бындурон цалцæджы регионалон программæмæ цы бирæфатерон хæдзæрттæ бахаудтой, уыдоны цæрджытæн сæ бон равзарын у куыстыты хыгъд. Уый сбæрæг хицауады сæрдары фыццаг хæдивæг Атарты Георгийы æмбырды.
1-æм январæй бындурон цалцæджы Фонд бакæндзысты арæзтады министрады дæлбар. Ацы аз бындуронæй сног кæндзысты 75 хæдзары Дзæуджыхъæуы, Мæздæджы, Беслæны, Æрыдоны æмæ æндæр цæрæн пунктты. Баивдзысты бæстыхæйтты сæртæ, сæ æддаг бакаст æмæ инженерон системæтæ. Фыццаг вице-премьер сæвæрдта хæс хæстæгдæр æртæ азмæ объектты хыгъд снысан кæнын, архайдмæ фатерты хицæутты æргом раздахын.
