Бæрæгбоны номыл арæзт мадзæлттæ абон æнæхъæн бон цыдысты. Изæрырдæм Дзæуджыхъæуы цæрджыты бабуц кодтой сæ курдиатæй нæ республикæйы алыхуызон аивадон къордтæ.
Рæсугъд бæрæгбонæн йæ Кæрон дæр рæсугъд. Изæрмæ хæстæгдæр Сабырдзинады фæзыл сарæзтой концерт. Йæ аразджытæ – фæсивæдон парламент, фæсивæды хъуыддæгты комитет æмæ æппæтуæрæсеон адæмон фронты фæсивæдон хайад.
Концерты архайдтой Ирыстоны курдиатджындæр фæсивæды минæвæрттæ. Зарæггæнджыты къорд “Уацамонгæ”, фæндырдзæгъдджыты къорд “Алания” æмæ бирæ `ндæртæ. Горæты цæрджытæн та фадат уыдис æмдзæвгæтæ радзурынæн.
Концерты кæронбæттæны сценæмæ рахызт Александр Коренюгин. Ирыстоны æппæт цæрджыты уарзондæр зарæг акодта. Бамбæрстат æй, Дзæуджыхъæуыл кæй уыд, уый. Уыйфæстæ концертон фæзыл сарæзтой хъазтизæр. Бæрæгбоны уазджытæ бацыдысты рæсугъд симды.
