Сæрмагонд сигналтæ цы хæдтулгæтыл ис, уыдонæн фæндаг дæттыны ног фæтк сфидар кодта бæстæйы хицауад. Уынаффæ бафыста премьер-министр Михаил Мишустин. Раздæр фæндаггон змæлды уагæвæрды сæрмагонд транспорт разæй ауадзынæн механизм нысангонд нæ уыд. Фыст дзы уыд æрмæст, зæгъгæ, фæндаг ратт.
Ныр шофырты архайд бæстонæй сбæлвырд. Хъуамæ иннæ тæлммæ, кæнæ та, уæвгæ дæр, фæндагæй ахизай. Уый ууыл дзурæг уыдзæн, æмæ домæн сæххæст кодтай æмæ дæ административон æгъдауæй дзуапп дæттын нæ бахъæудзæн. Кæд сæрмагонд транспорт йæхи тæлмыл цæуы, уæд æй ма къуылымпы кæн. Хицауад ма фæбæлвырддæр кодта сывæллæтты машинæйы ласыны фæтк. Ныр хæцæнбос, адаптер, фидаргæнæнтæ “сывæллоны уромæн системæмæ” нал хауынц.
