Санкт-Петербурджы йæ куыст дарддæр кæны дунеон экономикон форум

Санкт-Петербурджы йæ куыст дарддæр кæны дунеон экономикон форум. Куыд хъусын кодтам, афтæмæй йæм æрбамбырд сты 15 мин адæймаджы, æдæппæтæй – 70 бæстæйы минæвæрттæ. Уыдоны æхсæн – егъау компаниты сæргълæуджытæ, политиктæ, амалхъом адæм. Цæгат Ирыстоны сæргълæууæг Битарты Вячеслав дæр ныртæккæ ис Петербурджы. Уым уæвгæйæ, дидинджытæ сæвæрдта Беслæны теракты амæттæгты цыртдзæвæныл. Делегациты минæвæрттæ минут æдзæмæй алæууыдысты, царæфтыд сабиты ном æрымысгæйæ. Фæнысан ма кæндзынæн, Битарты Вячеслав бадзырд Æфсæддон ахуырадон-наукон центр æмгуыстады тыххæй кæй бафыста. Мадзал арæзт æрцыд Уæрæсейы Президенты цур æххæстбарджын минæвар Цæгат Кавказы федералон зылды Олег Белавенцевы æмархайдæй. Ацы гæххæтт бæлвырд кæндзæн абитуриенттæ исыны фæтк.