Цæгат Ирыстоны сæргълæууæг Сергей Меняйло фембæлд, Уæрæсейы гвардийы æфсæддонтæй сæрмагонд æфсæддон операцийы бынаты чи фæмард, уыдоны бинонтимæ.
Регионы разамонæг хъæбатырты бинонтæн тæфæрфæс ракодта, радта сын паддзахадон хæрзиуджытæ. Бæстæйы Президенты указæй, æфсæддон хæс æххæстгæнгæйæ цы лæгдзинад, æхсар æмæ удуæлдайдзинад равдыстой, уый тыххæй цалдæр æфсæддоны сæ мæлæты фæстæ хорзæхгонд æрцыдысты Лæгдзинады ордентæй.
– Нæ хæстонтæ уыдысты Фыдыбæстæйы аккаг хъæбултæ, æцæг хъахъхъæнджытæ, кадимæ сæххæст кодтой сæ æфсæддон хæс. Мах уый никуы ферох кæндзыстæм. Сæ ном цæрæд æнусты дæргъы, – загъта Сергей Меняйло. Æдзард хæстонты бинонтæн тæфæрфæс ракодта Уæрæсейы Федерацийы национ гвардийы Цæгат Кавказы зылды æфсæдты къамандыгæнæг инæлар-лейтенант Сергей Захаров дæр.
