Сергей Меняйло фембæлд Турчы ирон диаспорайы минæвæрттимæ

Сергей Меняйло фембæлд Турчы ирон диаспорайы минæвæрттимæ. Делегаци, сæ сæргъы Хъуысаты Садреттин, афтæмæй ныртæккæ сты Цæгат Ирыстоны. Уазджытæн арфæ ракодтой вице-премьер Томайты Ирбег, национ политикæ æмæ æддагон бастдзинæдты фæдыл министр Бæгъиаты Алан, территориалон органы разамонæг Багир Мамиев, Иры Стыр ныхасы сæрдар Уататы Зелимхан, гумманитарон æмæ социалон иртæстыты институты директор Хъаныхъуаты Зæлинæ. Ныхас цыд ирон æвзагыл. Сергей Меняйло куыд фæнысан кодта, афтæмæй Турчы ирон æхсæнадимæ республикæ бирæ азты дæргъы æнгомæй æмгуыст кæны. Регионы разамонæг бузныг загъта, ирон æвзаг æмæ æгъдæуттæ кæй нæ рох кæнынц, уый фæдыл. Уый хыгъд Хъуысаты Садреттин куыд радзырдта, афтæмæй дарддæр дæр архайдзысты мадæлон æвзаг æмæ культурæ парахат кæныныл. Уый тыххæй арæзт цæудзысты алыхуызон ног мадзæлттæ.