Сергей Меняйлойæн уыд кусæг фембæлд Цæгат Ирыстоны æвзарæн къамисы сæрдар Моргуаты Жаннæимæ

10.09.2024 19:23

Моргуаты Жаннæ куыд радзырдта, афтæмæй республикæйы кæронмæ æрхæццæ сты 8 æвзарæн кампанийы муниципалон æмвæзадыл.

Сергей Меняйлойæн уыд кусæг фембæлд Цæгат Ирыстоны æвзарæн къамисы сæрдар Моргуаты Жаннæимæ. Æрныхас кодтой регионы цы æвзæрстытæ ацыд уыдоны хатдзæгтыл. Республикæйы сæргълæууæг куыд фæнысан кодта, афтæмæй нырыккон технологиты фæрцы æвзарæн процесс рауад гом, уыимæ хъæлæстæ нымайыны æмгъуыд дæр фæтагъддæр. Хъæутæ ифтонггонд æрцыдысты æвзарæн бюллетентыл кусæг комплекстæй. Моргуаты Жаннæ куыд радзырдта, афтæмæй республикæйы кæронмæ æрхæццæ сты 8 æвзарæн кампанийы муниципалон æмвæзадыл. Дзæуджыхъæуы æвзæрстыты архайдтой 128 мин 820 æвзарæджы, уый у сæ 52,85%, хæдзары уæвгæйæ уыдонæй сæ хъæлæстæ радтой 24 мин адæймагæй фылдæр.

Предыдущий материал

Багаты Арслан æмæ Санахъоты Родион систы егъау ерысты уæлахиздзаутæ

Следующий материал

Сергей Меняйлойы разамындæй арæзт æрцыд республикæйы наркотикты ныхмæ къамисы æмбырд

Читайте также

Все новости