Социалон нысаниуæг кæмæн ис, ахæм 204 лæггады раивтой электронон хуызмæ. Ныртæккæ сæ се ‘ппæтæй дæр спайда кæнæн ис паддзахадон лæггæдты порталы.
Амалхъомадæн дæр фæзынд фадат фæссауонмæ райсын 260 хуызы бартæ æмæ лецензитæ. Ведомствоты ‘хсæн фæссауонмæ æмгуыстады ‘руаджы лæггæдтæ райсыны ‘мгъуыд зынгæ фæкъаддæр. Цæрджыты курдиæттыл кусæг сæрмагонд платформæ «ГосТех» баиу кодта 60 мин бæрнон адæймаджы æмæ паддзахадон аппараты 7 мин уæнджы, фæбæрзонддæр кодта регионалон æмæ муниципалон оргæнты бæрæггæнæн.
Документтæ нымæцон хуызмæ ивыны куыст куыд æххæстгонд цæуы. Январы хæдтулгæты хицæуттæ 4 млн хатты спайда кодтой шофырты электронон æвдисæндартæй æмæ транспорты регистрацийы сæрмагонд документтæй. Электронон хуызмæ ма раивдзысты митдзæуæнты æмæ квадрациклтæй пайда кæныны сæрмагонд æвдисæндартæ. Январы та медицинон лæггæдты æвдисæндартæй электронон хуызы спайда кодтой 1,5 милуан хатты. Биометрикон фæсарæйнаг паспорт дæр райсæн ис ныр электронон хуызы, бирæвæрсыг центрмæ ма æрбацæугæйæ. Сарæзтой ма сæрмагонд иртæсæн программæ дæр, адæймаджы чи бæрæг кæны Паддзахадон лæггæдты порталы мибилон уæлæфтуаны руаджы, ахæм.
