Æппæтуæрæсеон адæмон фронты уæнгтæ бабæрæг кодтой сывæллæтты 3 дзæбæхгæнæн лагеры. Æргом здæхтой алы фарстамæ дæр. Уагдæттæ канд зынгсирвæзтыты æмæ эпидемиологон домæнтæн хъуамæ дзуапп ма дæттой. Фæлæ ма сывæллæтты лагерьтæ хъуамæ æххæст уой ирхæфсæн æмæ ахуырадон программæтæй.
Æппæтуæрæсеон адæмон фронты минæвæрттæ бабæрæг кодтой æртæ лагерты: «Металлург», «Тæмискъ» æмæ «Звездочкæ». Уымæй уæлдай ма 150 ныййарæджы `хсæн сарæзтой æрфарст. Базонын сæ фæндыд, лагерьты æдасдзинады æмæ `ндæр домæнтæ куыд æххæстгонд цæуынц, уый. Фылдæр æргом аздæхтой, се `нæниздзинад хъыгдард кæмæн у, уыцы сывæллæттæн уавæртæм. Цы хатдзæгтæм æрцыдысты, уыдонæй сæ зæрдæ райы. Къамисы уæнгты хъуыдымæ гæсгæ нæ республикæйы лагертæ дзуапп дæттынц домæнтæн. Цы фиппаинæгтæ рабæрæг кодтой, уыдон та хæстæгдæр рæстæг аиуварс кæндзысты.
