Театр “Саби”-йы уыд спектакль “Митын æхсин”-ы премьерæйы агъоммæ равдыст

Уарзт æмæ хæлардзинадыл уазал зæрдæ нæ тых кæны. Театр “Саби”-йы уыд спектакль “Митын æхсин”-ы премьерæйы агъоммæ равдыст. Цæттæ кæнын æй райдыдтой сæрды. Уый тыххæй Дзæуджыхъæумæ ссыд сфæлдыстадон къорд Мæскуыйæ, Уæрæсейы театралон аивады институтимæ æмгуыстады фæлгæты. Равдыстмæ бацæттæ кодтой ног декорацитæ æмæ уæлæдарæс. Æвзонг театрдзауы дисы бафтаудзысты куклатæ дæр. Сæйраг рольты — Хъараты Максим æмæ Æгъуызарты Миланæ. Режиссер — Уæрæсейы театралон аивады институты рауагъдон Нино Церцвадзе. Финансон æххуыс бакодта “Иугонд Уæрæсæсе”, партион проект “Культура малой Родины”-йы фæлгæты. “Митын æхсины” премьерæ уыдзæн райсом, равдисдзысты йæ Ног азы бæрæгбонты рæстæг дæр.