Цæгат Ирыстоны æмбырд кæнынц чингуытæ Черниговы районмæ арвитынæн

Цæгат Ирыстоны расидтысты акци. Æмбырд кæнынц чингуытæ, цæмæй сæ арвитой Запорожьейы облæсты Черниговы районы библиотекæтæн. Сергей Меняйло куыд фехъусын кодта, афтæмæй ахæм хъæппæрис разынд республикæйы культурæйы министрадмæ. Чингуытæн сæ фылдæр — нæ фысджыты уацмыстæ, сывæллæттæн æмбырдгæндтæ, сæрмагонд литературæ. Уый фадат ратдзæн регионы историимæ æмæ культурæимæ базонгæ уæвынæн. Куысты ма архайы фæллой æмæ социалон рæзты министрад. Коллекци фæфылдæр кæнын у республикæйы алы цæрæджы бон дæр. Уый тыххæй чингуытæ фæхæццæ кæнын хъæуы сывæллæтты республикон чиныгдонмæ.