Цæгат Ирыстоны аивæдты лицеймӕ æвзарынц скъоладзауты. Акци цæуы проект «Одарённые дети»-йы фæлгæты.
Курдиатджын сывæллæттæн æххуыс кæнынц республикæйы сæргълæууæг Битарты Вячеславы бардзырмæ гæсгæ. Сæйрагдæр та у, ахæм сывæллæтты курдиат раргом кæнын æмæ сæ хъомысдзинад афойнадыл сбæрæг кæнын. Хореографтæ, зарæггæнджытæ æмæ нывгæнджытæ абалц кæнынц республикæйы скъолатæм. Уым ныхас фæкæнынц скъоладзаутимæ.
Зæгъæм, нывгæнджытимæ бакусынц сæ хъуыдыкӕнынадыл æмæ сныв кæнынц, фидæны горæт куыд уынынц, уый. Музыкант байхъусы цавӕр хъæлæсæй зары саби, хореограф та фæхуыздæр кæны се уӕнгты айст.
