Цæгат Ирыстоны дарддæр аразынц модулон фысымуæттæ. Проектон офисы кусджытæ æмæ грантæй пайдагæнджытæ иумæ бабæрæг кодтой Уæллаг Цъæй, Дзуарыхъæу, Майрæмадаг, Ксурт, Хъобан æмæ Архонкæйы станицæйы бæстыхæйттæ.
Кæцыдæрты арæзтад фæрæвдз кæны, иннæты та райдыдтой бындур æвæрын. Техникон мадзæлттæ дæр арæзт цæуынц, стæй гæххæттытæ цæттæгæнæн куыстытæ дæр. Паддзахадон æххуысы ‘руаджы нæ регион рæзы куыд туристон центр, фылдæр адæмы йæхимæ æлвасы. Ацы аз туризмы комитет бафыста контракттæ 250 милуан сомы аргъ.
