Ацы сахатмæ коронавирусы ног хуызæй Цæгат Ирыстоны рынчынтæ нæй. Уый тыххæй хъусын кæнынц нæ республикæйы фæлхасгæнджытæм цæстарды управленийæ.
Карантин хæдзары чи бады æмæ медицинон æркаст кæмæ цæуы, ахæмтæ нымæц ныртæккæ у 433 адæймаджы. Уыдон сты, вирус кæм ис, ахæм бæстæтæй чи æрыздæхт, уыдон. Хыгъдæй ныридæгæн систой 468 адæймаджы. Инфекци æмæ æхнырсæджы миниуджытæ сæхимæ не*нкъарынц. Сæрмагонд иртæстытæ сарæзтой 711 адæймагæн, иууылдæр равдыстой æппæрццаг бæрæггæнæнтæ.
