Цæгат Ирыстоны фыццаг сиддонты æрвиты æфсадмæ

Фыццæгæм октябрæй Уæрæсейы райдыдта æфсадмæ сидыны фæззыгон кампани. Абон Дзæуджыхъæуæй службæмæ араст сты 13 адæймаджы. Афæндараст сæ кодтой сæ бинонтæ æмæ хиуæттæ. Арфæйы ныхæстæ сын ракодтой бынæттон администрацийы минæвæрттæ, уыимæ хъазахъхъæгты æмæ Стыр ныхасы уæнгтæ. Æмткæй бæстæйы гæрзифтонг тыхтæм горæт арвитдзæн 300 лæппумæ ‘ввахс. Сæ кар 18-æй 30 азы онг. Уæ зæрдыл уын æрлæууын кæндзыстæм, Генералон штабы информацимæ гæсгæ, сиддонтæ сæрмагонд æфсæддон операцийы нæ архайдзысты. Службæйы æмгъуыд нæ фæивта, куыд раздæр, афтæ у 12 мæйы. Фæззыгон расидт кæронмæ æрхæццæ уыдзæн 31-æм декабры.