Цæгат Ирыстоны хъарм хæринагæй ифтонггонд сты 56 мин 677 скъоладзауы

15.09.2025 19:29

20-æм сентябры ацæудзæн уæлæмхасæн ахуырады бон. Республикæйы кусæндæттæ ныййарджыты базонгæ кæндзысты цы секцитæ æмæ сæм къордтæ ис, уыдонимæ, цæмæй дзы сæ сывæллæттæн зæрдæмæдзæугæ архайд равзарой.

Цæгат Ирыстоны хъарм хæринагæй ифтонггонд сты 56 мин 677 скъоладзауы, уыдонæй 2,5 минæй фылдæр сты сæрмагонд æфсæддон операцийы архайджыты цот. Уый тыххæй аппаратон æмбырды фехъусын кодта республикæйы ахуырад æмæ наукæйы министр Алыбегты Эллæ. 20-æм сентябры ацæудзæн уæлæмхасæн ахуырады бон. Республикæйы кусæндæттæ ныййарджыты базонгæ кæндзысты цы секцитæ æмæ сæм къордтæ ис, уыдонимæ, цæмæй дзы сæ сывæллæттæн зæрдæмæдзæугæ архайд равзарой. Сæргълæууæджы уынаффæмæ гæсгæ, ахуыргæнæндæттæн æххуысæн радих кодтой 20 милуан сомы. Ацы аз 10 педагогы кусын райдыдтой программæ “Хъæуккаг ахуыргæнæг”-мæ гæсгæ. Ныхас цы эпидемиолгон уавæрыл дæр. Ивгъуыд къуыри æхснырсæг арæхдæр парахат кодта, уæлдайдæр сывæллæтты ‘хсæн. 15 адæймагмæ рабæрæг COVID-19. Гриппимæ баст цаутæ нысангонд не рцыд. Уæрæсейы фæлхасгæнджытæм цæстдарды управленийы сидынц скъолаты райсомы æркаст, æнæмæнг, æххæст кæнын.

Предыдущий материал

Республикон ветеринарон станцæйы æрвылмæй агъуыддзинады ныхмæ вакцинаци ацæуынц 200 цæрæгойы

Следующий материал

Бынæттон хиуынаффæйады оргæнтæм кандидаттæй фæуæлахиз сты парти “Иугонд Уæрæсе”-йы уæнгтæ

Читайте также

Все новости