Цæгат Ирыстоны линимæ рацыдысты ног автобустæ

Цæгат Ирыстоны линимæ рацыдысты ног автобустæ. Уый тыххæй йæ ТГ-каналы фехъусын кодта Сергей Меняйло. 57 «СИМА́Зы» сты муниципалиттеты ‘хсæн маршруттæн. Ацы аз сæ самал кодтой “Æдас æмæ хæрзхъæд фæндæгтæ” национ проектмæ гæсгæ. Автопарк кæй фæфылдæр ис, уый фæрцы уæлæмхасæн транспорт радих кæнын къухы бафтыд æппæты домаг рейсытæм – Алагир — Дзæуджыхъæу æмæ Беслæн — Дзæуджыхъæу. Афтæмæй, автобусты ‘хсæн цыд фæкъаддæр 15-20 минутæй 5-7 онг. Сентябрæй рейсытæ кæнын райдыдтой Дыгуры æмæ Æрæфы районтæм, кæцытæ сæйраг горæт сбæтдзысты Дигора æмæ Цыколаимæ. Ныртæккæ сын специалисттæ иртасынц сæ пайдадзинад. Сæргълæууæг бабар кодта æппынæдзух кæсын æхсæнадон транспорты цыдмæ æмæ гуырахстмæ, лæггæдтимæ баст фарстатæ куы фæзына, уæд та сæ хъæуы æвæстиатæй иуварс кæнын.