Цæгат Ирыстоны Парламенты уæнгтæ иумæйагæй схъæлæс кодтой паддзахадон æвзæгты закъоны проектыл фыццаг æркасты. Документ бæрæг кæны уырыссаг æмæ ирон æвзæгтæй пайда кæныны фæтк хицауады оргæнты, официалон документты, ахуырады, дзыллон информацийы фæрæзты, уыимæ уынгты, фæзты æмæ георграфион объектты нæмтты. Æмбырды сæйраг фарста – республикæйы хицауады сæрдары снысан кæнын. Сергей Меняйло куыд загъта, афтæмæй Дзанайты Барисимæ 5 азы дæргъы бантыст хицауады оргæнтимæ пайда æмгуыстад æххæст кæнын. Дзанайты Барисы кандидатурæйы фарс рахæцыдысты 55 парламентарийы.
Дзанайты Барисæн раарфæ кодта сенатор Мамсыраты Таймураз. Куыд фæнысан кодта, афтæмæй хицауадæн фидæны ис стыр куыст æмæ ног хæстæ, уыдон æххæст кæнын хъæуы иумæйагæй. Бафиппайдта ма уый, æмæ республикæ федералон æмвæзадыл цы уынаффæтæм æркæсы, уыдонмæ здæхт æрцæуы Федерацийы советы профилон комитетты ‘ргом. Хицæнæй ма Мамсыраты Таймураз бæстон æрдзырдта парламенты сæрдар Тускъаты Таймуразы куыстыл. Цы стыр æвæрæн бахаста парламентон æмгуыстадмæ, уый фæдыл æй схорзæхджын кодтой Федерацийы Советы кадджын нысанæй “За заслуги в развитии парламентаризма”.
