Скъолайы агъоммæ ахуырады мадзæлттæ аразынц ног хуызы. Студенттæ, практикæйы уæвгæйæ, саразынц ахуырадон программæтæ сывæллæттæн, равзарынц зонындзинæдтæ чи парахат кæны, ахæм хъæзтытæ æмæ сбæрæг кæнынц сабитыл куыд ахадынц, уый. Æппæт куыстмæ дæр цæст дарынц дæсны ахуыргæнджытæ, сæ флтæрддзинад æмæ зонындзинæдтæ не ‘вгъау кæнынц сæ ахуыргæнинæгтæн. Цæгат Ирыстоны педагогон колледжы æнхъæлмæ кæсынц абитуриенттæм.
Ахуыртæ дзы ис дыууæ здæхтмæ гæсгæ – “Скъолайы агъоммæ ахуырад” æмæ “Райдиан кълæсты ахуырад”. Исæн кампани райдыдта федералон проект “Специалистет”-ы фæлгæты. Программæйы руаджы студенттæн фадат ис бæрзонд æмвæзадыл специалисттæ суæвынæн регионы разагдæр куыстуæтты. Архайынц дзы бæстæйы 79 субъекты. Се ‘хсæн Цæгат Ирыстон дæр.
Фидæны куыстдæтджытæ дæр активонæй архайынц ахуырдон процессы. Æмбæлынц студенттимæ, бынæтты аразынц практикон ахуыртæ – фыццæгæм курсонтæй райдайынц цæттæ кæнын сæ домæнтæм гæсгæ хъæугæ кусджыты.
Педагогон колледжы ис 295 бюджетон бынаты, уыдонæй 200 сты “Профессионалитет”, зæгъгæ здæхтмæ гæсгæ. Исæн кампани ахæсдзæн 15-æм августмæ. Æппæт хъæугæ информаци дæр базонæн ис ахуыргæнжндоны сæрмагонд сайты, кæнæ колледжмæ бацæугæйæ – Дзæуджыхъæуы Карл Марксы уынджы 36-æм хæдзары.
