Цæгат Ирыстоны скъолатæ райстой дæс нырыккон микроавтобусы. “ГАЗель Next” маркæйы хæдтулгæтæ ныр ис ахуырадон центр “Интеллект”-ы, Дигора, Беслæн, Елхот, Тарскæ, Дачное, Урсдон æмæ Зилгæйы скъолаты. Уый къухы бафтыд “Фæсивæд æмæ сывæллæттæ” национ проекты руаджы. Директортæн машинæты дæгъæлтæ радта профилон министр Алыбегты Эллæ. Иууылдæр ифтонг сты навигацийы системæ ГЛОНАСС, тахографтæй.
Ныридæгæн ахæм автобустæ ис республикæйы 159 скъолайы. Уыдон сывæллæтты фæхæццæ кæнынц дæрддзæф цæрæн бынæттæй ахуыргæнæндæттæм. Скъоладзаутæ сыл ацæуынц музейтæ æмæ театртæм.
