200 млн сомæй фылдæрмæ схызт регионалон оператор «Эра»-йæ цæрджытæ цы хæс дарынц, уый. Уый тыххæй журналисттæн фехъусын кодта генералон директор Антон Катичев.
Куыстуаты ис 5 сæдæ адæймагмæ ‘ввахс. Регионалон оператор лæггæдтæн афойнадыл фыст куы нæ цæуа, уæд куыд æмбæлы, афтæ сæ куыст не `æххæст кæндзысты. Ныридæгæн куыстуат æмбæлы къуылымпыдзинæдтимæ. Зæгъæм, хауæццæгтæ хицæнæй æмбырд кæныны контейнертæ дзуапп нæ дæттынц æмбæлгæ домæнтæн. Уый ахоссæй арæх сæрмагонд техникæ дæр асæтты. Контейнертæ та дзагæй фæлæууынц.
Уымæ гæсгæ куыстуаты сидынц горæты администрацимæ, цæмæй санитарон эпидемиологон домæнтæ æххæст кæной. Зæгъæм, контейнертæ æвæрд кæм вæййынц, уыдонæн хъæуы сæрмагонд бацæуæнтæ скæнын, цæмæй дзы уа къæвдайы дон кæдæм цæуа ахæм системæ.
