Цæгат Кавказы Суворовы номыл училищæйы рауагъдонтæн

Скъолайæн фæндараст загътой Цæгат Кавказы Суворовы номыл училищæйы дæр. Ам царды ног фæндагмæ рауагътой 67 хъомылгæнинаджы. Кадджын мадзал байгом бæрæгбоны дефилейæ, фæсивæд равдыстой хæцæнгарзимæ бæрзонд æмвæзадыл архайд, уый фæстæ та уазджыты сбуц кодтой музыкалон равдыстæй. Спорты æмæ ахуыры чи фесгуыхт, уыдоны схорзæхджын кодтой Кады гæххæттытæй. Суворовы училищæйæн ацы рауагъд у 24-æм, фидæны æфсæддонтæн арфæ ракæнынмæ ‘рбацыдысты раздæры азты рауагъдонтæ. Се ‘хсæн Уæрæсейы хъайтар Абайты Юрий, фæнысан кодта, суворовонты æмбалад азтæй нæ, фæлæ æнустæй баргæ у.