Центр “Мой бизнес”-ы сарæзтой лæвар ахуыртæ грант райсыны фарстаты фæдыл

Лæвар ахуырад ацæуын æмæ 500 мин сомы бæрц грант райсын. Ахæм фадат центр “Мой бизнес”-ы ис амалхъомады фыццаг къахдзæфтæ чи кæны, уыдонæн. Æххуыс райсын сæ бон у сæрмагонд реестры цы куыстуæттæ ис æмæ социалон нысаниуæг кæмæн ис, уыдон, стæй 25 азы онг кæуыл цæуы, ахæм бизнесментæн. Тренинг ахæсдзæн æртæ боны разамынды институты. Архайджытæн сæ бон уыдзæн рацаразын сæ бизнес-хъуыдытæ, базонын æмæ бамбарын проект æххæст кæныны сæйраг къæпхæнтæ, финансон æххуыс райсын, сæйраг дæр та амалхъомады сусæгдзинæдтæ базонын.