“Амалхъомадмæ балц”. Центр “Мой бизнес”-ы сæрмагонд æфсæддон операцийы архайджытæн уыд конференци. Хæстонтæн радзырдтой бизнесы куысты сусæгдзинæдты тыххæй. Уыимæ ма сын бацæттæ кодтой тестытæ дæр. Спикерты ‘хсæн – Евгений Небайкин.
Алы архайæгæн дæр бар уыд экспертмæ фарст раттын, хъуыдытæй фæхай кæнын æмæ хъæугæ амынддзинæдтæ райсын. Кæй фæндыд, уыдонæн ма равдыстой кондады куыст. Экскурси сын уыд республикæйы егъаудæр куыстуæттæй иуы.
Специалисттæ куыд фæнысан кодтой, афтæмæй сæрмагонд æфсæддон операцийы алы ветеранæн дæр ахæм фембæлдтытæ æххуыс сты хи хъуыддаг райдайынæн. Мадзал расидтысты нацпроект “Эффективная и конкурентная экономика”- йы фæлгæты.
