Æндæр темæтæм. Сæрмагонд æфсæддон операцийы бынаты цы нырыккон техникæйæ пайда кæнынц, уыдоны равдыст байгом Цхинвалы. Экспозици бацæттæ кодтой Хуссар æфсæддон зылды цыппæрæм гвардион базæйы æфсæддонтæ иумæйагæй Хуссар Ирыстоны хъахъхъæнынады министрадимæ. Мадзал снысан кодтой Фыдыбæстæ хъахъхъæнæджы бонæн.
Сæрмагонд хæдтулгæты æркастæй уæлдай ма уазджытæн къамтæ исынæн сарæзтой интерактивон фæз. Кæй фæндыд, уыдонæн бар уыд уæрæсейаг æфсæддонты уæлæдарæсы элементтæ хиуыл абарын æмæ хæцæнгæрзты хуызтимæ зæрдылдарæн хуызистытæ скæнын.
Экспозицийы уазджыты ‘хсæн – хицауады æмæ тыхы структурæты уæнгтæ, ахуырдзаутæ æмæ æфсæддонты бинонтæ. Уæлдай цымыдисаг мадзал рауад æвзонг æфсаддонтæн.
