Цæгат Ирыстоны паддзахадон университеты дарддæр архайынц хауæццæгтæ хицæн къордтæй æмбырд кæныныл. Системæ скуыста 5-æм июны, Алфамбылай æрдзы æппæтдунеон боны агъоммæ. Уæд бырондæттæ сæвæрдтой университеты кæрты цыппар бынаты. Декабры ма сыл бафтыд ноджыдæр цыппар.
Ахæм системæйы фæрцы хицæнгонд цæуынц гæххæтт, пластик, алюмин æмæ авг. Урнæты цы хауæццæгтæ æрымбырд вæййы, уыдон дарддæр ногæй бакусынц. Ногæй бакусæн цы броныл нæй, уыдон та утилизаци скæнынц. Уæлдæр ахуыргæнæндоны студенттæн радзырдтой, ахæм хуызы хауæццæгтæ æмбырд кæнын экологон уавæрæн пайда кæй у.
Бырондæттæ æвæрын райдыдтой экологон змæлд «Сансарæ»-йы хъæппæрисæй. Уым архайынц, куыд студенттæ, афтæ ахуыргæнджытæ дæр.
