Дзæуджыхъæуы байгом хъуыстгонд туроператор «ТУИ»-йы минæварад. Филиал гом кæныныл кусын райдыдтой 2017 азы. Бадзырдтæ дæр уæд бафыстой. Ахæм уынаффæ бæрнон кусджытæ рахастой, Цæгат Ирыстоны цæрджытæ арæхдæр ацы туроператоры лæггæдтæй кæй пайда кæнынц уый тыххæй.
Цæгат Кавказы нæ республикæ у фыццаг регион Уæрæсейы егъаудæр туроператортæй иуимæ, ахæм æмвæзадыл кæимæ кусын райдыдта. Цæстдард цæудзæн куыд Уæрæсейы туризм, афтæ фæсарæйнаг туризммæ дæр. Рагагъоммæ хъусынгæнинагмæ гæсгæ туропеартор республикæимæ зонгæ кæнын райдайдзæн Куырттаты комæй.
