Театралон равдыстытæ, кæфтытæ æмæ хæрзад хæринæгтæ. Институт «Цивилизация»-йы скъолайы сарæзтой дунейы адæмыхæттыты хæлардзинады фестиваль. Сывæллæттæ сæхи цæттæ кодтой мæйы дæргъы. Æххуыс сын кодтой сæ ахуыргæнджытæ æмæ ныййарджытæ. Хуыдтой костюмтæ, ахуыр кодтой æмдзæвгæтæ, архайдтой репетициты. Бæрæгбонæй нæ дарддæры æрмæг.
Япойнаг кафт нихон буёйы сæйраг элемент у-веер. Уымæн йæ алы змæлд дæр цæстытыл ауайын кæны алыхуызон предметтæ: фыссæнгарз, къус, суанг ма хъама дæр. Скъоладзаутæ архайынц дунейы адæмыхæттыты фестивалы. Уыдон иттæг хорз равдыстой Италийы, Турчы, Грецийы æмæ Кореяйы адæмыхæттыты царды хъæздыгдзинад.
Национ хæринæгтæ æмæ кæфтытæй уæлдай ма сывæллæттæ сæ ахуыргæнджытимæ бацæттæ кодтой театралон равдыстытæ. Дзырдæн зæгъæм, æртыккæгæм къласы ахуырдзаутæ фестивалы архайджыты ахаста Ла Скала-йы оперæтæй иумæ. Сценæйыл сæвзæрдысты зындгонд Лучано Паваротти æмæ Монсеррат Кабалье.
Фестивальмæ цæттæ кодтой ахуыргæнджытæ, скъоладзаутæ æмæ сæ ныййарджытæ иумæ. Уæвгæ, уыдон сывæллæттæй къаддæр нæ тыхсынц. Æмæ куыннæ тыхсой, уыдон иумæ мæйы дæргъы хуыдтой уæлæдарæс, ахуыр кодтой æмдзæвгæтæ уырыссаг æмæ фæсарæйнаг æвзæгтыл, цæттæ кодтой хореографион равдыстытæ. Сæхæдæг куыд зæгъынц, афтæмæй, ахæм фестивальтæ рæзын кæнынц иннæ адæмыхæттыты минæвæрттæм уарзондзинад.
Институт «Цивилизация»-йы скъолайы ахæм бæрæгбæттæ арæх саразынц. Мадзал аразджыты ныхæстæм гæсгæ, уыдон канд ирхæфсæн фæрæзтæ не сты, фæлæ ма сыл æвæрд ис егъау хъомыладон æмæ ахуырадон хæс.
Ахуыргæнæндон йæ размæ æвæры хæс – раргом кæнын ног курдиаттæ. Ацы фестиваль та уымæн у æвдисæн. Рауад ирд æмæ цымыдисаг. Цæвиттон сывæллæтты зæрдæты ныууагъта æхсызгон æнкъарæнтæ. Уыдон бæстонæй бацæттæ кодтой сæхи бæрæгбонмæ. Ахуыргæнджытæ ма сæ хъуыдымæ бафтыдтой, сæйраг у цæмæй сывæллæттæ æмбалдзинадæн аргъ кæнын зоной æмæ сæ курдиаты рæзтыл кусой.
